Assi ќе содржи повеќе модули, кои за многу кратко време ќе бидат имплементирани, а во прво време ќе започеме со работа на модулот за лична заштита. Модулот за лична заштита се состои од SOS панично копче на мобилниот уред на корисникот. Со негово задржување од 3 секунди се вклучува аларм и предна камера на мобилниот телефон, почнува да ја снима случката или настанот, а истата се прикачува на сервер во мониторинг центарот која понатаму служи како доказ. Алармот заедно со видео записот стигнува во мониторинг центарот и на телефонот на патролната екипа која за најбрзо време пристигнува на локацијата на која се наоѓа корисникот со цел да му помогне, да биде заштитен и да се чуствува безбедно. Живееме во многу стресно, бурно и за жал небезбедно општество, со многу брз живот и често сме сведоци на несекојдневни случки и немили настани што се случуваат. Цврсто сме убедени и стоиме на тоа дека паничното копче ќе има широка примена и пожелно е секој граѓанин да го поседува, со тоа само ќе ја подигнеме свесноста и безбедноста на повисоко ниво.

Денес во една дигитална ера, ера на брза трансформација каде што 5G и вештачката интелегенција го достигнуваат својот зенит, мобилниот телефон не е само средство и потреба да останеме поврзани едни со други туку многу повеќе од тоа, се повеќе размислуваме и бараме смарт решенија како би си го поедноставиле животот, а преку Assi апликацијата тоа ќе биде овозможено на сите што сакаат, живеат и се чуствуваат смарт.